Ukraina Prezidentiniñ apayı Olena Zelenska Cenübiy Afrika Cumhuriyetine ziyareti vaqtında Ukraina studiyaları dünya koalitsiyasınıñ birinci Afrika şubesiniñ açılışı aqqında añlaştı. O, Pretoriya universitetiniñ rektorı Fransis Petersennen uyğun memorandumlarnı imzaladı.

Bu bütün dünya universitetlerinde ukrain tilini inkişaf etüvni maqsat tutqan global teşebbüsiniñ bir qısmıdır. Koalitsiya, çeşit memleketlerde daa çoq insan Ukraina aqqında aqiqatnı — onıñ tarihını, medeniyetini, zemaneviy vaziyetini ve halqara rolüni bilmesi içün oquv ve ilmiy müessiselerini birleştire. İşbirlikniñ çerçivesinde yañı oquv programmalarınıñ başlanması, araştırmalar keçirilmesi, akademik deñişüvler teşkil etilmesi planlaştırıla. Bularnıñ episi Ukrainanı daa teren añlamaq içün, sahte ve rus añlatuvlarnıñ yayılmaması içün yapıla.

“Ukraina studiyaları tek Ukraina aqqında degil, bir çoq halqlarnıñ tecribesinen rezonanslaşqan universal mevzu ve degerlikler aqqında: azatlıq areketleri, qullanğan keçmiş, şeref ve özü olmaq aqqı içün küreş aqqında», — dedi Ölena Zelenskaya.

“Ukraina studiyaları” yalıñız Ukraina aqqında degil, bu bir çoq halqnıñ tecribesi ile bağlanğan ortaq mevzular ve qıymetler aqqında: azatlıq areketleri, esir keçmişi, menlik ve aqlar içün küreş aqqındadır”, – dedi Olena Zelenskaya.”

Zelenska, Ukraina ve Cenübiy Afrika arasında dialog eki tarafqa faydalı olğanını qayd etti. Onıñ aytqanına köre, Cenübiy Afrikada deñişüv ve insan aqları oğrunda küreş tecribesi bar, Ukraina ise bugün – cenkten qurtulıp, serbestligini qorçalağan demokratiya örnegidir.

Ukraina studiyalarınıñ global koalitsiyası Ukraina birinci hanımı Olena Zelenskayanıñ destegi ile Ukrainian Institute – Ukrain institutı, Ukraina Prezidentiniñ tasil, ilim ve sportnı desteklev fondı, Ukraina Prezidentiniñ Qırım Muhtar Cumhuriyetindeki Temsilciligi/Qırım platforması, Ukraina Tasil ve ilim nazirligi ile Ukraina Tış işler nazirligi/Ukraina MFA tarafından teşkil etildi.

Hatırlatamız, koalitsiyanıñ maqsadı – Ukraina tarihı ve medeniyetiniñ doğru ve ihtisaslı ögrenilmesini temin etmek, ukrain ve qırımtatar tillerini, medeniyetlerini populârlaştırmaq içün ukrain, şu cümleden qırımtatarlarnen bağlı studiyalarnıñ inkişafına yardım etmektir.