Qırımtatar faali, “Qırım birdemligi” jurnalisti, rusiyeniñ vladimir apisthanesinde bulunğan siyasiy mabüs Amet Suleymanovnıñ sağlıq vaziyeti fenalaşa. Bu aqta onıñ apayı Lilâ Lümanova haber etti. Onıñ sözlerine köre, aqayını körmek içün koloniyağa barıp çıqmağa qıyın olsa da, balalarınen bir yol taptı. Rus apishanesine yolculıq tek bir tarafqa üç kün sürdi.

Ametniñ apayı, mabüsniñ sağlıq vaziyeti fenalaşmağa devam etkenini bildirdi: “O, 10 kiloğa azğan. Lâkin küçü yetkeni qadar özüne baqmağa tırışqanını ayta”.

Qanunsız şekilde apiste tutulğan qırımtatarı apayına, bulunğan yerde tutuluv şartlarınıñ pek yaramay olğanını da bildirgen:

Amet bu yıl devamında oña neler olğanını aytıp berdi. Eşitkenlerimden ne içün yaramağanını añladım.

Amet Suleymanov 2020 senesi mart ayında işğalciler tarafından tevqif etildi, soñra ise sözde “terrorizmde” qabaatlanıp 12 yıl apis müddetine mahküm etildi. Suleymanovnıñ yürek yetersizligi bar. Mahkeme oturışuvları vaqtında qorçalav tarafı rus mahkemesine siyasiy mabüsniñ sağlıq vaziyeti sebebinden apishanede qalıp olamaycağına iqna etmege tırıştı. Amma buña baqmadan işğalciler qanunsız qararını deñiştirmedi.