Ukrayina Prezidentiniñ Qırım Muhtar Cumhuriyetindeki Temsilciliginde 2026 senesi fevralniñ 16-nda Ekspert şurasınıñ nevbetteki toplaşuvı olıp keçti. Tedbirge Daimiy Temsilci Olga Kurışko ve onıñ muavini Denis Çıstikov yolbaşçılıq ettiler.
Tedbirde “Qırım strategik araştırmalar institutı” cemaat teşkilâtınıñ leyha koordinatorı Elmira Ablâlimova-Çıygoz, “Kıyiv-Mohila Akademiyası” milliy universitetiniñ “Qırımşınaslıq” merkeziniñ başı Martin-Oleksandr Kıslıy, “Ukrayinskiy Dim” Qırım iş ve medeniyet işbirlik merkezi” cemaat teşkilâtınıñ başı Sergiy Kovalskiy, Ukrayina Milliy İlimler Akademiyasınıñ Arheologiya institutınıñ üyken ilmiy hadimi Evelina Kravçenko, “Almenda” tasili merkezi” cemaat teşkilâtınıñ milliy advokatsiya bölüginiñ müdiri Valentina Potapova, “İnsan aqları regional merkezi” cemaat teşkilâtınıñ eksperti Katerına Raşevska, “Vidrodjenna” Halqara fondunıñ “İnsan aqları ve adalet” programmasınıñ müdiri Roman Romanov, “Qırım uquqqorçalav gruppası” cemaat teşkilâtınıñ idare başı Olga Skripnik, “Qaradeñiz strategik araştırmalar institutı” hayriye teşkilâtınıñ qurucılarından Yuriy Smelânskiy, “Ukrayin siyasiy araştırmalar mustaqil merkezi” cemaat teşkilâtınıñ eksperti Yuliya Tışçenko, “Ukrayin Helsinki insan aqları gruppası” cemaat teşkilâtınıñ analitik birim reberi Aksana Filipişına iştirak ettiler.
Toplaşuv vaqtında iştirakçiler 2026 senesi Temsilcilikniñ iş planlarını, bu planlarnıñ semereli ömürge keçirilmesine Ekspert şurası azalarınıñ celp etilmesi mehanizmlerini muzakere ettiler. Qırım ve onıñ sakinleri içün aktual meseleler boyunca Ekspert şurası azaları temsil etken cemaat teşkilâtları tarafından ömürge keçirilgen leyhalarda ortaq iş saalarını belgilevge ayrıca diqqat ayırıldı.
Şurağa çeşit saalarda tecribeli insan aqları qorçalayıcıları, mütehassıslar ve ekspertler arasından yañı iştirakçiler da qoşuldı. Olarnıñ arasında: “KRIMSOS” cemaat teşkilâtınıñ idare reisi İrina Datsenko, Ukrayina Milliy İlimler Akademiyasınıñ Arheologiya institutınıñ üyken ilmiy hadimi Evelina Kravçenko, Tamır halqlar meselelerinden BMT Daimiy Forumınıñ eksperti Suleyman Mamutov, “Ukrayin Helsinki insan aqları gruppası” cemaat teşkilâtınıñ analitik bölük reisi Aksana Filipişina, “Mudafaa strategiyaları merkezi” cemaat teşkilâtınıñ reis muavini Alina Frolova.
Temsilcilik Ekspert şurası azalarına berilgen teklifler ve semereli muzakereler içün minnetdarlığını bildire, bütün bu çalışmalar vaqtınca işğal etilgen Qırım meseleleri boyunca faaliyetni quvetleştirmege ve onıñ sakinleriniñ aq-uquqlarını qorçalamağa yardım etecek.