İş ziyareti çerçivesinde Daimiy Temsilci Olga Kurışko Eskişehir valisiniñ muavini Adem Kelesnen körüşti. Subet devamında taraflar vaqtınca işğal etilgen Qırımdaki vaziyetni ve qırımtatar halqınıñ yarımadadaki alını muzakere ettiler.

Olga Kurışko ayrıca, Eskişehir Türkiyede qırımtatarlarnıñ eñ büyük cemiyeti olğan şeeri olğanını, şeer qırımtatarlarnıñ milliy özgünligini saqlap qaluvda ve Qırımnıñ rusiye tarafından esir tutulğan bütün siyasiy mabüslerniñ azat etilmesine devamlı destek kösterüvde müim rol oynağanını qayd etti. Daimiy Temsilci qırımtatar cemiyetine daima qol tutqanı içün Eskişehir valiligine minnetdarlığını bildirdi.

Körüşüvde kelecekteki tesirleşüv ve insan aqlarını qorçalavnı közde tutqan teşebbüslerni desteklev, tasil ve medeniy teşebbüslerni inkişaf ettirüv, ve yarımadanıñ işğalden azat etilmesi içün halqara teşviqat meselelerine ayrıca diqqat ayırıldı. Daimiy Temsilci Eskişehirniñ yolbaşçılarına qırımtatar cemiyetine ardı-sıra qol tutqanları içün minnetdarlığını bildirdi ve Ukrayina kelecekte bu munasebetlerniñ devam etmesine işanğanını qayd etti.