2018 senesi ilk yaz ayı (iyün) 23 künü Ukraina Prezidentiniñ Qırım MC Daimiy Temsilcisiniñ Birinci muavini İzet Gdanov Devlet migratsiya hızmetiniñ Herson vilâyetinde İdaresiniñ hadimlerini Ukrain devletçiliginiñ ğayrıdan tiklenüviniñ 100-yıllığı ve Ukraina devlet hızmeti künü munasebeti ile hayırlap, Ukrainanıñ vaqtınca işğal etilgen Qırım topraqlarında yaşağan Ukraina vatandaşlarınıñ vesiqalarını resmiyleştirüv boyunca semereli işbirlik içün öz minnetdarlığını bildirdi.

Körüşüv esnasında İzet Gdanov Devlet migratsiya hızmetiniñ Herson vilâyetinde İdaresiniñ hadimlerine Temsilcilikniñ teşviq nişanlarını taqdim etti.