İşğal olunğan Qırımda yaşağan ya da yarımadadan memleket içinde köçken vatandaşlarımıznı 1919 senesi Şarqiy ve Garbiy Ukrainanıñ birleşüvi munasebetinen Ukraina Birdemlik Künü ile ve 1991 senesi Qırım MC Ukraina devletiniñ terkibinde ğayrıdan tiklenüvi munasebetinen Qırım Muhtar Cumhuriyeti Künü ile hayırlaymız.

Emin oluñız ki, Ukraina Prezidentiniñ bügünki faaliyeti Qırımnı işğalden azat etilüvini kün-künden yaqınlaştıra. Bu ise, Ukrainanıñ birlik,   birdemlik ve territorial bütünligini, ukrain halqınıñ, ukrain milletiniñ, tamır halqlarınıñ, milliy azınlıqlarınıñ aq-uquqlarınıñ, demokratiyanıñ, uquq ustünliginiñ ve insan aqlarınıñ qorçalavını, devlet siyasetimizniñ esasları olaraq devam ettirecek.

Ukraina Prezidentiniñ Qırım Muhtar Cumhuriyetindeki Temsilciligi yanvarnıñ hatıra künlerini eñ yaqın kelecekte işgalden azat etilgen Qırım toprağında tantanalı sürette qayd etilmesi içün Qırımnıñ Ukrainağa ğayrıdan integratsiyasını maqsat qoyğan bütün devlet ve cemaat teşkilâtlarınen beraberlikte elinden kelgenini yapacaq.