2018 senesi ekim (oktâbr) ayı 4 künü Ukraina Prezidentiniñ Qırım MC Daimiy Temsilcisi Borıs Babin ve Temsilcilikteki halqara alâqalar hızmetiniñ baş mesleatçısı Valeriya Pahomova iş körüşüvi şekilinde Ukraina çetel işler Nazirligi halqara teşkilâtlar Bölüginiñ müdiri vazifesini becergen Andriy Pravednik, onıñ muavini ve Bölükniñ hadimleri ile körüştiler.
Körüşüv esnasında Ukrainada çalışqan halqara teşkilâtlar ile Ukrainanıñ vaqtınca işğal etilgen Qırım toprağından rusiye istilâsına qarşılıq kösterüv, Ukraina vatandaşlarınıñ ve uquqiy şahıslarnıñ aq-uquqlarını ve menfaatlarını qorçalav saasında semereli işbirlikni teşkil etüv meselesi muzakere etildi.
Körüşüvniñ neticesi olaraq, taraflar Ukrainada çalışqan halqara teşkilâtlarnıñ devlet akimiyeti organlarınıñ vekilleri ile munasebetlerini kenişletmek maqsadınen kelecekte işbirlikniñ şekili aqqında añlaştılar.