Vaqtınca işğal etilgen Qırım Muhtar Cumhuriyeti ve Aqyar şeeri topraqlarında yaşağan gençlerniñ diqqatına. Temsilcilik vaqtınca işğal etilgen topraqlarda yaşağan gençler içün ilk yaz ayınıñ 29-dan arman ayınıñ 31-nece stipendiyalı eki aylıq azırlav kurslarını keçirecek 23 Ukraina aliy oquv yurtları aqqında malümat bermege başlay.

Kelecek oquv yılına vaqtınca işğal etilgen topraqlarda yaşağan gençlerni azırlaycaq aliy oquv yurtlarından birini taqdim etemiz:

Ukraina devlet maliye hızmeti universiteti – İrpen şeeriniñ raatlıq saasında Avropa standartlarına riayet etip teşkil etilgen eñ büyük ve zemaneviy aliy oquv yurtlarından biridir.

Ukraina devlet maliye hızmeti universiteti bütün Ukraina topraqlarında maliye saasında çalışacaq mütehassıslar bazasını azırlay. Bu vaqıtqace aliy oquv yurtu 70 biñge yaqın mütehassıs oquttı.

Azırlav kursları esnasında diñleyiciler 

– ilk yaz ayınıñ 29-dan arman ayınıñ 31-nece esas fenler boyunca oquycaqlar;
– 4588,00 grivnâ miqdarında stipendiya alacaqlar,
– yataqhanede bedava yer ile temin etilecekler,
– medeniy, psihologik, sportiv tedbirler ve başqa vastalarnen temin etilecektir.

Ukraina devlet maliye hızmeti universiteti tarafından keçirilgen azırlav kurslarında iştirak etmek içün uzaqtan qayd etile bilesiñiz:

https://www.nusta.edu.ua/p%d1%96dgotovch%d1%96-kursi/.
Başqa aktual suallerge cevaplar almaq içün leyhanı idare etken şahısnen +380950772911 telefonı vastasınen bağlana bilesiñiz.
Qoşma malümat aliy oquv yurtunıñ İnternetteki https://www.nusta.edu.ua saifesinde ve Facebook içtimaiy ağında https://www.facebook.com/nudfsu/?ref=page_internal yerleştirilgendir.