2018 senesi çiçek ayı (aprel) 20 künü Ukraina Prezidentiniñ Qırım MC Daimiy Temsilcisiniñ Birinci muavini İzet Gdanov ve Temsilcilikniñ başqa hadimleri Ukraina Devlet migratsiya hızmetiniñ Başlığı Maksım Sokolyuk ile iş muşaveresini keçirdiler. Temsilcilikniñ şimdiki faaliyeti, bu cümleden, Qırımda yaşağan Ukraina vatandaşları içün pasport vesiqalarını resmiyleştirüv, siyasiy mabuslarnıñ qoranta azalarına mütenasip memuriy hızmetlerniñ berilüvinde yardım, Herson vilâyetinde ‘‘Dokument’’ Devlet muessisesınde iş yerlerniñ çoqlaşuvı muzakere etildi.

İzet Gdanov Herson vilâyetiniñ Qırımğa yaqın olğan mesken yerlerinde Memuriy hızmet merkezlerniñ açıluvı boyunca Temsilcilik yapqan adımlarnı tarif etti, Ukraina devlet migrasiya hızmetine semereli işbirlik içün teşekkür etti, vaqtınca işğal etilgen Qırımda yaşağan Ukraina vatandaşlarınıñ meseleleriniñ çezüvinde Devlet migratsiya hızmetiniñ Herson vilâyetindeki idaresiniñ Ukraina Prezidentiniñ Temsilciligine tolu derecede qarşılıqlı yardımnı ayrıca qayd etti.