Ukraina Prezidentiniñ Qırım Muhtar Cumhuriyetindeki Temsilciligi Rusiye istilâsından imayege alâqası olğan bütün insanlarnı Ukraina imayecisi Künü ile hayırlay.

Vatan imayecileriniñ qaramanlığı tarihimizniñ eñ büyük kerçegidir, tez deñişken ve sert zemaneviy dünyada onı iç bir türlü deñişmelernen sahtelestirmek ya da bozmak mümkün degil. Bu halqımıznıñ bütün nesilleri birliginiñ ameliy delilidir. Ukraina devleti qurucılığınıñ muim tarihiy devirinde vatanperverler Ukraina topraq bütünliginiñ ve egemenliginiñ qorçalavına ve ğayrıdan tiklevine er kün öz issesini qoşalar. Yüksek mütehassıslıq, cesürliq, qaramanlıq, kerçek ukrain cenkâver ruhları içün olarğa can-yürekten öz minnetdarlığımıznı bildiremiz.

Ukrainağa olğan sevgileri ve başqa insanlar arasında ürmet İmayecilerimizni Tañrı tarafından bizge berilgen topraqnıñ tınçlığını qorçalamağa, mudafaa qabiliyetini arttırmağa ilhamlandırsın. Ukraina halqına er künki sadıq hızmetleri içün millionlarnen ukrainalılarnıñ can-yüreklerinden kelgen minnetdarlığı olarnıñ episini qızdırsın.

Bizim şanlı toprağımızda tınçlıq ve amanlıq içün canlarını feda etken bütün qurbanlarınıñ hatırasına başlarımıznı egemiz. Ruhları şad olsun. Bu bayram quvançımıznı, coşqunlığımıznı, Devletimizni qorçalamaq qabiliyetimizni arttırsın.

Ukrainağa şan-şüretler olsun!