2018 senesi qural ay (mayıs) 8 künü Ukraina Prezidentiniñ Qırım MC Daimiy Temsilcisiniñ Birinci muavini İzet Gdanov ve Temsilcilikniñ diger hadimleri Ukraina İnfrastruktura Nazirliginde Ukraina infrastruktura Naziri Volodımır Omelyannıñ başlığında Rusiye Federatsiyasınıñ qanunsız areketleri boyunca keçirilgen konstruktiv muşaverede iştirak ettiler.

Körüşüv devamında Kerç boğazından Berdânsk ve Mariupol şeerlerindeki limanlarğa yönelgen gemilerniñ bayraqlarına baqmadan RF vekilleri tarafından teşkerilüvi, RF topraqlarından ve qarşı tarafqa yolcularnıñ demiryol ya da avto vastasınen tranzit seferleri devamında peyda olğan meseleler muzakere etildi.

Birinci muavin İzet Gdanov, Ukraina topraqlarında ‘‘FSB şübeleri’’ rölüni icra etken rusiye deñiz registrlerni yoq etmek, Herson regionında tez cevap berecek ve deñizcilik havfsızlığını temin etecek deñiz qorçalav hızmetini yerleştirmek, Vadim stantsyasına qadar demiryol naqliyatını uzatmaq ve KÇNN-na ve qarşı tarafqa qanuniy avto taşımalarını teşkil emek kerek olğanını qayd etti.

Bundan da ğayrı Birinci muavin rusiye tecavüzine, bu cümleden, ayrı oligarhlarnıñ vaqtınca işğal etilgen Qırım MC-nen ticaretine kompleks şekilde qarşılıq köstermek kerek olğanını qayd etti.