Ukraina Milliy Politsiyasınıñ reberiyeti tarafından alınğan qararlarnıñ neticesinde, Ukraina Prezidentiniñ Qırım MC-de Temsilciliginiñ teşebbüsinen 2017 senesi noyabr 20 künü Temsilicilikte Ukraina Milliy Politsiyasınıñ Qırım MC ve Aqyar boyunca Baş idaresiniñ reisi, Ukraina havfsızlıq hızmetiniñ Qırım MC ve Aqyar boyunca Baş idaresiniñ reberiyeti, Devlet mülkiyet Fondunıñ Herson vilâyeti, Qırım MC ve Aqyar boyunca idaresiniñ ve UkrainaMilliy politsiyanıñ Herson vilâyetinde Baş idaresiniñ reberiyeti iştiragi ile keñeş keçti.

Keñeş devamında Ukraina Milliy Politsiyasınıñ Qırım MC ve Aqyar boyunca Baş idaresi toqtavsız failiyet yürsetmesi ve vaqtınca işğal olunğan topraqlarınıñ sıñırlarına yaqın olğan rayonlarda semereli şekilde çalışması içün Herson vilâyetine köçürüv planı muzakere etildi.