2018 senesi saban ayı (mart) 25 künü Ukraina Prezidentiniñ Qırım MC Daimiy Temsilcisiniñ Birinci muavini İzet Gdanov Ukraina Milliy Politsiyası yolbaşçısınıñ birinci muavini Vâçeslav Abroskin ile iş körüşüvni keçirdi.

Körüşüv devamında işbirliknen bağlı bir sıra meseleler, kelecekte, vaqtınca işğal etilgen topraqlarnıñ azat etilüvinden soñ qanuniy tertipniñ temin etilüvi oğrunda işbirlikniñ esas yönelişleri muzakere etildi. Qırımdan tertip qoruyıcılarnı Herson vilâyetinde qullanuv, yani qırım politsiya bölüklerini, ilk nevbette, patrul politsiyanı teşkil etüv, neticede Qırım sakinleri işğalci akimiyet tarafından insan aqlarnıñ ve serbestliklerniñ bozuluvlarını resmiy şekilde qayd etmek içün vaqtınca işğal etilgen Qırımğa yaqın olğan topraqlarda yerleşken işbu tertip qoruyıcılarına öz şikâyetlerinen muracaat ete bilirler. Yarımadanıñ azat etilüvinden soñ Qırım MC-de deryal faaliyetni başlamaq içün Ukraina Milliy Politsiyası Qırım MC Baş idaresini teşkil etmege kerek olğanı da qayd etildi.

İzet Gdanov Ukrainanıñ milliy havfsızlığı içün telüke doğura bilecek ayırıcı sızıqnıñ yanındaki tertip qorçalavı saasındaki vaziyetni tarif etti. ‘‘Memuriy sıñırdan keçken şahıslar Ukraina Qırımdaki vatandaşlarını qorçalamaq içün er şey yapqanını körmeliler’’, – dep qayd etti Izet Gdanov.

Muşavereniñ neticesinde vaqtınca işğal etilgen topraqlarnıñ qaytarıluvı ve RF istilâsına qıta Ukrainada qarşılıq kösterilüvi oğrunda işbirlik boyunca uyğunlaştırılpağan fikir meydanğa ketildi.