2018 senesi yanvar 30 künü Ukraina Prezidenti Petro Poroşenko Avropa Havfsızlıq ve İşbirlik Teşkilâtınıñ başlığı vazifesini becergen İtaliya Tış işleri ve halqara işbirligi naziri Ancelino Alfano ile körüşti.
Körüşüv devamında vaqtınca işğal etilgen Qırımda insan aq-uquqları saasında vaziyet kerginleşkenine ayrıca diqqat ayırıldı.
Ukraina devletiniñ başlığı İtaliya Ukrainanıñ mustaqilligine ve territorial bütünligine qol tutqanı, bu cümleden BMT Baş Assambleyasınıñ mütenasip rezolütsiyalarnıñ müellifdeşi olğanı, avropa ve avropa-atlantik integratsiyasında destek bergeni içün İtaliya vekiline teşekkür etti.