Ukraina Prezidenti körümli medeniyet ve sanaat erbablarına devlet stipendiyasını tayinledi. Olarnıñ arasında qanunsız şekilde Rusiyede mahküm etilgen rejissör Oleg Sentsov da bar. Mütenasip N282 fermannı Devlet başlığı bügün imzaladı.

Bu Fermanğa binaen, rejissörge stipendiya tölemesi devam etecek. 2015 senesi mayıs ayında N306 Fermanı ile Prezident Oleg Sentsovğa devlet stipendiyasını tainlegen edi.

Ondan da ğayrı, 2-yıllıq stipendiyalarğa Ukraina medeniyetiniñ bir sıra körümli erbabı nail oldı. Olardan 9 kişi tölemelerni ömürleriniñ soñuna qadar alacaq.