Körüşüv esnasında devletimizniñ Başlığı Donald Tuskka Rusiyeniñ Keriç boğazındaki açıq tecavüziniñ neticelerini ve regional havfsızlıq içün telükelerini tarif etti.

Petro Poroşenko qayd etkenine köre, Azaq deñiziniñ ve Keriç boğazınıñ ”süyreklengen işğal etilüvini” toqtatmaq içün Avropa Birligi Rusiyeniñ boş ay 25 künü Ukrainağa qarşı tecavüziy areketlerine keskin ve yeterli cevap bermelidir.

Ukraina Prezidenti AB liderlerini Rusiyeniñ tecavüziy areketlerini takbih etmege, gemicilik serbestliginiñ ğayrıdan tiklenüvini ve zapt etilgen 24 gemiciler ile 3 geminiñ deral ve iç bir türlü şart qoymadan azat etilüvini talap etmege çağırdı.

Avropa Şurasınıñ Prezidentine tecavüzde iştirak etken Rusiye gemileriniñ ve vatandaşlarınıñ cedveli taqdim etildi.