Avropa Şurasınıñ toplaşuvı arfesinde Ukraina Prezidenti Petro Poroşenko Almaniya Federal Kantsleri Angela Merkel ile körüşti. Devletimizniñ Başlığı Rusiye tarafından tösmenge alınğan Azaq deñizini ve Keriç boğazını azat etmege tırışqan Almaniyağa ve ukrain gemileriniñ azat etilüvine ve regionda gemicilik serbestligini kefil etilmesine mahsus diqqat ayırğan Federal kantslerge öz minnetdarlığını bildirdi.

Ukraina Prezidenti Petro Poroşenko Avropa Birliginiñ ve NATO idarelerine iş ziyareti esnasında Avropa Halq Firqası Jozef Dol ile körüşüv keçirdi. Körüşüv AHF Brüsseldeki baş ofisinde olıp keçti. Devletimizniñ Başlığı Jozef Dolge Rusiyeniñ Qara deñizde ve Keriç boğazında tecavüziniñ neticelerini ve regional havfsızlıq içün telükelerini tarif etti. Ukraina Prezidenti Avropa Halq Firqasını Rusiyeniñ tecavüziy areketlerini takbih etmege ve bütün mümkün olğan vastalarnen gemicilik serbestliginiñ ğayrıdan tiklenmesini, zapt etilgen 24 gemiciler ile 3 geminiñ deral ve iç bir türlü şart qoymadan azat etilüvini talap etmege çağırdı.

Petro Poroşenko Avropa Birligini Rusiyeniñ boş ay 25 künü Ukrainağa qarşı Azaq deñizindeki tecavüzine küçlü ve yeterli cevap bermege, sözde ”Azaq sanktsiyalar paketini” qabul etip, Azaq deñizindeki ve Keriç boğazındaki rusiye tecavüzine, gemicilik serbestliginiñ bozulmasına mütenasip şekilde qarşılıq köstermege çağırdı.