Ukraina Prezidenti Volodımır Zelenskıy «Ukraina milliy havfsızlıq ve mudafaa şurası tarafından 2021 senesi kiçik aynıñ 2-de qabul etilgen ”Mahsus şahsiy iqtisadiy ve başqa sıñırlayıcı tedbirlerni (sanktsiyalarnı) tadbiq etüv aqqındaki qararı aqqında”» 43/2021 sanlı Fermanını imzalap, Ukraina milliy havfsızlıq ve mudafaa şurasınıñ ”Mahsus şahsiy iqtisadiy ve başqa sıñırlayıcı tedbirlerni (sanktsiyalarnı) tadbiq etüv aqqında” qararını amelge keçirdi.

«Bugün Ukraina milliy havfsızlıq ve mudafaa şurasınıñ oturışuvında MHMŞ azaları yazılı şekilde rey berüv vastasınen Ukraina topraqlarında bulunğan uquqiy ve fizikiy şahıslarğa qarşı şahsiy sanktsiyalarnı kirsetüv meselesini baqıp çıqtılar. Ukraina milliy havfsızlıq ve mudafaa şurasınıñ 19 azasından 17 kişi qararğa qol tuttı, 1 kişi bitaraf oldı, daa 1 kişi iş seyaatında buluna», – dep haber etti Ukraina milliy havfsızlıq ve mudafaa şurasınıñ kâtibi Oleksiy Danilov.

Mahsus şahsiy iqtisadiy ve başqa sıñırlayıcı tedbirler Ukraina vatandaşı Taras Kozak, uquqiy şahıslar – ”ARİADNA TV” mesüliyeti sıñırlı olğan cemiyet, ”NOVIY FORMAT TV” mesüliyeti sıñırlı olğan cemiyet, ”TV VIBİR” mesüliyeti sıñırlı olğan cemiyet, ”TELERADİOKOMPANİYA 112-TV” mesüliyeti sıñırlı olğan cemiyet, ”LİDER TV” mesüliyeti sıñırlı olğan cemiyet, ”PARTNER TV” mesüliyeti sıñırlı olğan cemiyet, ”NOVINI 24 GODINI” mesüliyeti sıñırlı olğan cemiyet, ”Novi komunikatsiyi” mesüliyeti sıñırlı olğan cemiyetke qarşı işletilecektir.