Bugün Ukraina Prezidenti Volodımır Zelenskıy Qırım asıllı jurnalistlerge Qırım Muhtar Cumhuriyeti ve Aqyar şeeri topraqlarını işğalden azat etüv ve ğayrıdan integratsiya etüv ve Ukrainanı Rusiye Federatsiyası tarafından kele bilecek telükelerden qorçalav meselelerine bağışlanğan intervyusını berdi. İntervyu 2021 senesi arman ayınıñ 9-da Zmiyinıy adasında keçken arbiy-deñiz talimatlardan soñ yazılğan edi.

Qırım Muhtar Cumhuriyeti ve Aqyar şeeri işğal etilgen soñ Ukraina Prezidenti ilk kere Qırım asıllı olıp, mahsus ”Qırımnı nasıl etip qaytaracaqmız” leyhası çerçivesinde birleşken jurnalistlerge intervyu berdi.

Subet esnasında Prezident Qırım platformasınıñ vazifeleri, Qırımnı işğalden azat etüv ceryanı nasil etip planlaştırıla, yarımadadaki siyasiy mabuslarnı azat etüv meselesi ve bir çoq başqa suallerge açıq-aydın cevaplar berdi.

”Bir-de-bir başqa toprağımız kibi, bu kiçik ada da Ukraina toprağıdır, bütün küçlerimizni sarf etip, onı qorçalaycaqmız. Bugün mında keçirilgen arbiy talimatlarnıñ şaatı oldıñız: olarğa büyük emiyet beremiz. Bilgeniñiz kibi, ordumıznıñ ikişaf etmesine dair üç qısımdan ibaret olğan bir programmamız bar. Biz olarnı faal şekilde keçemiz, al-azırda körgeniñiz kibi, biz er bir Ukraina regionını, ava limanını, şeerini ve şu cümleden Zmiyinıy adasını qorçalamağa azırmız. Çünki biz Rusiyeniñ ne ile meraqlanğanını bilemiz, Rusiyenıñ Aqrusiye ile beraber keçirgen Ğarp 2021 arbiy talimatlarınıñ niyetini köremiz. Bu devletler tarafından çeşit türlü adımlarğa azırmız’,’ – cevap olaraq dep qayd etti Devletimizniñ Başlığı jurnalistlerge.

İntervyuniñ tam şeklini baqıp çıqqan soñ, Ukraina Prezidenti Volodımır Zelenskıynıñ noqtayi-nazarınen tafsilâtlıca tanış olursıñız.

[yotuwp type=”videos” id=”XhoTQjqH6t4″ ]