UMHMŞ Kâtibi, Ukrainada Keçici devir adaleti Kontseptsiyasınıñ qabul etilmesini mümkün olğanı qadar tezleştirmek ve bu faaliyetke qırımtatar halqınıñ temsilcilerini celp etmek kerek olğanını qayd etti.
Ukraina Prezidentiniñ Qırım Muhtar Cumhuriyetindeki Daimiy Temsilcisi (iş gruppasınıñ başlığı) Anton Korınevıç, silâlı dava ve Ukraina topraqlarınıñ qısmen Rusiye Federatsiyası tarafından işğal etilmesi şaraitlerinde insan aqlarınıñ ve temel serbestlikleriniñ qorçalanmasına ve ğayrıdan tiklenmesine dair kelecekteki devlet siyasetiniñ esaslarını belgilegen Kontseptsiyanıñ esas maddeleri aqqında malümat berdi. O, dört qısımdan ibarettir: davanıñ ketişati aqqında kerçekni bilmek aqqınıñ yerine ketirilmesi, silâlı davanıñ tekrarlanmamasınıñ bir kefaleti sıfatıda institutsional islâatlar, silâlı davadan zarar körgen şahıslarnı tazmin etmek; eñ ciddiy cinayetlerni yapqan cinayetçilerni mesüliyetke çekmektir.
Keçici devir adaleti Kontseptsiyası, devlet organlarınıñ, Baş prokuror ofisiniñ, ”Renaissance” halqara fondunıñ, İnsan aqları boyunca Ukraina-Helsinki birligi, ZMİNA. İnsan aqları merkezi, Ukrainian Legal Advisory Group, ”TESİR GRUPPASI” halqqa açıq holdingi, İnsan aqları boyunca Ukraina institutı, Regional Center for Human Rights aq qorçalayıcı teşkilâtlarınıñ ve akademik müitniñ vekillerini terkibine alğan uquqiy islâat meseleleri Komissiyasınıñ vaqtınca işğal etilgen topraqlarnı ğayrıdan integratsiya etüv meseleleri boyunca iş gruppası tarafından teşkil etildi.
