2018 senesi saban ayınıñ (mart) 5 künü Ukraina Prezidenti Petro Poroşenko Finlândiya Tışqı işler naziri Timo Soynini qabul etti. Ukraina Prezidenti Finlândiya Ukrainanıñ territorial bütünligine ve egemenligine ve Ukrainada keçeyatqan islâatlarğa qol tutqanı, fin şirketleri Avropa Birliginiñ RF-na qarşı qabul etken sanktsiyalarına riayet etkeni içün öz teşekkürini bildirdi. Prezident Poroşenko ve Nazir Soyni Donbasstaki ve Qırımdaki vaziyetni, bu cümleden, BMT barıştırıcı missiyanıñ istiqbalini muzakere ettiler. Taraflar Rusiyege qarşı sanktsiyalarnı Ukrainanıñ territorial bütünligini ve egemenligi ğayrıdan tiklenmesine qadar devam ettirmege kerek olğanı aqqında añlaştılar.

Petro Poroşenko, Kremlniñ RF prezident saylavlarını Ukrainanıñ işğal etilgen Qırım topraqlarında keçirmek niyeti halqara aq-uquqqa zıt kelgenini qayd etti. Ukraina Devlet başlığı halqara ortaqlarını yarımadada qanunsız alda keçirilgen saylav ceryanını tanımamağa ve öz vatandaşlarına sözde ‘‘halqara nezaretinde’’ iştirak etmege ruhset bermemege çağırdı.

Aynı 2018 senesi saban ayınıñ (mart) 5 künü Ukraina Prezidenti Petro Poroşenko İsveçiya Mudafaa naziri Peter Hulkvist ile körüşti. Taraflar Rusiye avropa havsızılıq tertibatı içün istiqrarsızlıq yaratmağa tırışqanı içün Ukraina ile İsveçiya arasında arbiy-siyasiy saada işbirlikniñ artqanını qayd ettiler. Devlet başlığı Donbassta vaziyet ep kergin olğanı ve vaqtınca işğal etilgen Qırım yarımadasında arbiy silâlanuv ceryanı devam etkeni aqqında tafsilâtlı şekilde haber etti. Körüşüv devamında Petro Poroşenko Avropa Birliginiñ devletlerini Ukrainanıñ Qırım toprağında rusiye prezident saylavlarınıñ neticelerini tanımamağa çağırdı. ‘‘Qırım topraqlarında saylavlarnıñ keçirilüvi ukrain qanuniyetine zıt kele, o qanunsızdır ve halqara uquğını qaba şekilde boza’’, – dep qayd etti Ukraina Prezidenti.