Mütenasip deñişmeler Ukraina Prezidenti tarafından 2020 senesi ilk qış ayınıñ 17-de imzalanğan №573/2020 sanlı Ferman ile Levko Lukyanenko adına devlet stipendiyalarına dair Nizamnamege kirsetildi.
Ukraina Prezidentiniñ Qırım MC-deki Temsilciligi içün Ukraina Prezidenti ve onıñ ofisi tarafından yapılğan deñişme ve işançnıñ emiyeti büyük, çünki biz vaqtınca işğal etilgen Qırım yarımadasında devletimizniñ egemenligi ve topraq bütünligi içün küreşken, siyasiy sebeplerden taqip etilgen insanlarnen er kün oğraşamız. Endiden başlap ise biz, Ukraina vatandaşlarınıñ qanuniy aqlarını ve menfaatlarını qorçalağan, olarğa qol tutqan devlet organları, cemaat teşkilâtları ile beraber Levko Lukyanenko adına devlet stipendiyalarını tayin etüv içün Ukrainanıñ vaqtınca işğal etilgen topraqlarını ğayrıdan integratsiya etüv meseleleri boyunca Nazirlikke muracaat etip, böyleliknen Ukraina içün, öz topraqlarında yaşamaq aqqı içün küreşken ve küreşmege devam etken insanlarğa qol tuta bilemiz. Bundan ğayrı, al-azırda apishanelerde yatqan vatandaşlarımızğa printsipial mevamları aqqında devletimizniñ haberi bar olğanını kösterip, olarnıñ qorantalarına qol tuta bilemiz. Bundan ğayrı, Temsilcilik taqımı vaqtınca işğal etilgen Qırımda yaşağan cemaat faallerden ve teşebbüsçilerden stipendiya içün tekliflerini qabul ete ve devlet organlarında olarnıñ sesi olmağa azırdır”, – dep izaatlay Ukraina Prezidenti tarafından 2020 senesi ilk qış ayınıñ 17-de imzalanğan №573/2020 sanlı Ferman ile Levko Lukyanenko adına devlet stipendiyalarına dair Nizamnamege kirsetilgen deñişmelerni Ukraina Prezidentiniñ Qırım MC-deki Daimiy Temsilcisi Anton Korınevıç.
Levko Lukyanenko adına devlet stipendiyasını Rusiye Federatsiyası tarafından vaqtınca işğal etilip nezaret etilgen Lugansk ve Donetsk vilâyetleriniñ topraqlarında, Qırım Muhtar Cumhuriyetinde ve Aqyar şeerinde cemaat ya da siyasiy faaliyetnen oğraşıp, izçen surette halq ögünde Ukrainanıñ egemenligine qol tutqan, devletimizniñ topraq bütünligini ğayrıdan tiklev oğrunda küreşken ve şu sebepten Rusiye Federatsiyası tarafından yaqalanğan, tutulğan ve taqip etilgen, ya da neticede azat etilgen Ukraina vatandaşları ala bile.
Ukraina Prezidenti tarafından 2020 senesi ilk qış ayınıñ 17-de imzalanğan №573/2020 sanlı Ferman ile Levko Lukyanenko adına devlet stipendiyalarına dair Nizamnamege kirsetilgen deñişmeler muracaatlarnıñ baqıluv müddetini qısqarta ve stipendiyanı tayin etüv şartlarını belgiley.
2020 senesi ilk qış ayınıñ 17-de imzalanğan №573/2020 sanlı Fermannıñ tolu metini