Mahkeme hızmetçileri diñleyicilerni mahkeme binasında alıp barılğan oturuşuvğa yibermeyler. Bundan evelki azırlayıcı oturuşuvğa abulqat Mıkola Polozovnı yibermediler.

Ukraina Prezidentiniñ Qırım MC Temsilciligi qırımtatar halqını temsil etken Milliy Mecliske muntazam şekilde yapılğan basqınıñ devam etmesini ve grajdanlıq mevamı içün ealiniñ taqip etilmesini takbih ete. ”2014 senesi fevral 26” davası Rusiye Federatsiyası işğalge qarşı çıqqan er bir insannı taqip etkenini, Qırımda Rusiye istilâsına qarşı çıqqanlar bar olğanını açıq-aydın köstermektedir. Vaqialardan 6,5 yıl keçken soñ davanıñ baqılması işbu mitingni teşkil etken Qırımtatar Milliy Meclis azalarınıñ taqip etilmesidir. 2014 senesi fevral 26 künü beş biñden ziyade Ukraina vatandaşı – qırımtatar, ukrain faalcilsi Qırım Yuqarı Şurası ögündeki meydanğa Kremlniñ tecavuziy siyasetine qarşılıq köstermek ve Ukrainanıñ topraq bütünligine qol tutmaq içün çıqqanını hatırlaymız. Bügünde-bügün Qırımtatar Milliy Meclisiniñ reisi Refat Çubarov Kıyiv şeerinde yaşap, Qırımnı ziyaret etip olamay, çünki 2014 senesi yazda o, Qırımdan sürgün etilgen edi. Bu siyasiy ve sunniy şekilde azırlanğan davanıñ maqsadı adaletniñ tiklenmesi degil de, o, qorqu muitini yaratmaq ve Kremlniñ işğalci siyaseti ile razı olmağan er bir isannı cezalaya bilmek içün açılğandır”,  – dep izaatlay Ukraina Prezidentiniñ Qırım MC Daimiy Temsilcisiniñ muavini Tamila Taşeva.

Hatırlatamız ki, 2020 senesi saban (mart) ayında 2014 senesi fevral 26 adiselerinden 6 yıl soñra Rusiye Taqiqat komiteti Qırımtatar Milliy Meclisiniñ reisi Refat Çubarovğa qarşı Aqmescitte 2014 senesi kiçik ay (fevral) 26 künü kütleviy qozğaluvnı teşkil etkeni içün (RF CK 212 maddesiniñ 1 qısımı boyunca) cinaiy iş açtı.