Rusiye Federatsiyasınıñ açıq silâlı istilâsına cevap berip, 2014 senesiniñ kiçik ve saban aylarında, dersin, imkânsız şeyler yapqan, yani qurşun keçirmegen jiletlerni ve kaskalarnı satın alğan, tosmenge alınğan ukrain arbiy bölüklerni alâqa vastalarınen ve erzaqnen temin etken, Qırım yarımadasınıñ çeşit köşelerinden bütün dünyağa kerçek haberlerni bildirgen ukrainalı ve qırımtatarlarnı hatırlaymız.

Göñüllilerniñ ğayretleri Kremlniñ niyetlerini bozdı, informatsion qamaçavnı teşti ve böyleliknen duşman ile küreşken ukrainalılarnen birdemliklerini kösterdi.

Biz  berabetlikte orduğa yardım ete edik, Qırımdan ve Donbastan qaçmağa mecbur olğan vatandaşlarımıznı evlerimizde qabul ettik, muhtac olğanlarnı aşatıp kiyindirdik, ortaqlarımıznıñ ofislerinde gece-kündüz tevsiyelerde bulundıq, dünyanıñ çeşit türlü köşelerinde birdemlik tedbirlerine çıqtıq, Ukrainanı qorçalamak maqsadınen para toplap, askerlerimiz içün arabalar satın aldıq.

Bügünde-bügün Ukrainanıñ qurulmasına göñülliler tarafından qoşulğan isseniñ kerçek qıymetini kesmek ale daa qıyın. Ana topraqları ve adalet içün küreşken, siyasiy cezalavlarğa qarşlıq köstergen Qırım birdemliginiñ qırımtatar faallerinden örnek alamız. Olarnıñ İnternet saifelerinde yazılğan ”Qayda birlik – anda tirilik” degen şiar faaliyetimizni ilhamlandıra.

Göñülliler künü ile eñ yahşı hayırlav – böyle teşebbüslerge qol tutmamızdır. İstegen vaqıtta QırımSOS ya da Qırım ailesi teşkilâtlarına muracaat etip, siyasiy mabuslarnıñ qorantaları nege muhtaç olğanını soray bilesiñiz. Çareñiz olğanı qadar kösterilgen yardım, haberlernen paylaşuv, qol tutuv maqsadınen yapılğan telefon qonuşması ya da maddiy isseñiz siyasiy sebeplerden taqip etilgenlerniñ evlerine qaytmalarını tezleştirir.