Ukraina Prezidentiniñ Qırım MC-deki Temsilciligi Qırım Muhtar Cumhuriyetiniñ Prokuratırasına işğalci akimiyet Sudaq şeeriniñ cıvarlarındaki ”Meganom yarımadası” yerli kompleks tabiat abidesinde qurucılıq yapqanına dair muracaat etti.
Işğalci akimiyet Sudaq şeeriniñ cıvarlarındaki ”Meganom yarımadası” yerli kompleks tabiat abidesinde qanunsız şekilde turistik tesislerini qurmağa başlağanı aqqında malümat 2020 senesi ilk yaz ayınıñ 16-da devlet imayesi altında bulunğan topraqlarnı ve tabiat-qoruq fonduna ait obyektlerni aselet yoq etüv ve olarğa zarar ketirüv alâmetlerini içergeni içün Ukraina Ceza kodeksiniñ 252 maddesine binaen açılğan cinaiy işke qoşuldı.
Kündelik faaliyetinen acayip Qırım tabiatını işğalcilerden qorçalağan er bir insanğa minnetdarmız.