Vaqtınca işğal etilgen yarımadağa irişimimiz olmağanına baqmadan, Ukraina Prezidentiniñ Qırım Muhtar Cumhuriyetindeki Temsilciligi içün vaqtınca işğal etilgen topraqlarda yaşağan vatandaşlarımız ile bağ tutuv pek müimdir ve taqımımız içün ilk nevbetteki vazifelerden biridir. Ukrainanıñ vaqtınca işğal etilgen topraqlarını ğayrıdan integratsiya etüv meseleleri boyunca Nazirlik, Ukraina adliye Nazirligi ve başqa idareler ile işbirlikte çalışamız ve Ukraina vatandaşlarnen alâqalarımıznı maksimal derecede saqlamaq maqsadınen mütehassıs talil içün cemaat teşkilâtlarınıñ vekillerini davet etemiz. Böyle vastalardan biri – çeşit türlü memuriy, notarial, tıbbiy ve başqa hızmetlerniñ onlayn şekilde berilmesidir”, – dep izaatlay Ukraina Prezidentiniñ Qırım Muhtar Cumhuriyetindeki Daimiy Temsilcisiniñ Birinci muavini Darya Svırıdova.

Ukraina Prezidentiniñ Qırım Muhtar Cumhuriyetindeki Temsilciligi başqa akimiyet organlarınen ve cemaat teşkilâtlarınen beraberlikte ayrı onlayn hızmetlerniñ berilmesi üzerinde çalışmaqtadır.

Elektron şekilde evlenüv adisesini qayd etüv, onlayn-notariat, vaqınca işğal etilgen topraqlarğa yabancılar içün kiriş ruhseti ve başqa hızmet çeşitlerini, yazıqlar olsun ki, vaqtınca işğal etilgen Qırımda yaşağan vatandaşlarımız alıp olamay. Eñ yaqın vaqıtta idareler arası işbirlik çerçivesinde eñ çoq soralğan hızmetlerniñ berilmesini başlatmaq imkâniyeti ve ayrı hızmetlerniñ bütün memleketke darqatılması muzakere etilecektir.

Bundan ğayrı, insan aqları boyunca Ukraina-Helsinki birligi uzaqtan notariat hızmetlerini bermek imkâniyetini tedqiq etti, yani çetel tecribesini ögrenilip, işbu vastanıñ zayıf ve küçlü taraflarını esapqa alındı.

Bügün sizlerni bu tedqiqatnıñ neticeleri, uzaqtan notariat hızmetleriniñ imkânları ve imtiyazları ile tanıştırmağa isteymiz: https://cutt.ly/Td35KJ3

Devlet ve cemaat saalarında çalışqan ortaqlarımızğa vaqtınca işğal etilgen topraqlarda yaşağan vatandaşlarımız içün uzaqtan hızmetler ne qadar müim olğanını alñlağanları içün öz münnetdarlığımıznı bildiremiz.