Vatandaş muracaatlarnıñ büyük qısımı Ukraina Nazirler Şurası arman ayı 8 künü qabul etken 979-p sanlı qarar ile KÇNN keçüvde 2020 senesi arman ayı 28 kününece sıñırlamalar qoymasınen bağlı edi.
İşbu ay devamında umumen 1149 tevsiye berildi. Ekseriy allarda vatandaşlar Temsilcilikke ”sıcaq ağ” telefonı (503 muracaat) ve yazılı şekilde e-mail (379 muracaat) vastasınen muracaat etti. Bundan ğayrı, tevsiyelerni Skype (125) ve Facebook saifesi (142) vastasınen almaq mümkün edi.
49 mürekkep alda gumanitar sebepten KÇNN keçüv meselesi doğrudan-doğru Temsilcilikniñ iştiragi ile çezildi.
Ekseriy allarda muracaatlarda:
- Qırım MC ve Aqyar şeeri ile memuriy sıñırından hususan 16 yaşınace balalar ile keçüv;
- Qırım MC ve Aqyar şeeri ile memuriy sıñırından devlet akimiyeti organları öz vekâletlerini tolu şekilde yerine ketirgen topraqlarda bulunğan aliy oquv yurtlarına kirmege niyetlengen, qabul etilgen, ya da al-azırda böyle aliy oquv yurtlarında oquğan şahıslar tarafından keçüv;
- ”Evde areket et” elektron hızmeti vastasınen özüni etraf müitten ayıruv, ya da işbu ayıruvnı toqtatuv meseleleri köterildi.
2020 senesi arman ayı devamında semereli ve fedakâr faaliyet yürsetken işdeşlerimizge minnetdarlığımıznı bildiremiz ve Temsilcilikke aşagıdaki alâqa vastalarını qullanıp, muracaat ete bilgeniñizni qayd etemiz:
📞 +380675476575 telefon nomerası boyunca Qırım sakinleri içün haberleşüv vastaları (Viber, WhatsApp, Telegram);
📩 vatandaşlarnıñ muracaatları içün poçta adresi: Herson şeeri, Uşakov caddesi, 42;
☎️ bedava ”sıcaq ağ” telefonı: 0 800 502 192;
💬 Skype ağı vastasınen – esap: ark predstavnictvo;
📧 elektron menzili vastasınen: [email protected]