Noyabr 8 künü Ukraina Prezidentiniñ Qırım Muhtar Cumhuriyetindeki Daimiy Temsilcisi Boris Babin, BMTnıñ Ukrainada insan aq-uquqlarını Közetüv taqımınıñ reisi Fiona-hanım Freyzer ve taqımnıñ azaları ile Kiyevde körüşti.

Körüşüv devamında Qırım sakinlerine birinci nevbetteki uquqıy yardımnıñ berilüvi, aqlarınıñ bozuluvını uquq qorçalayıcı organlar tarafından qayd etilüvini idare etüv ve Qırım sakinlerine memuriy hızmet bergen organlarını idare etüv kibi Temsilcilikniñ vazifeleri muzakere etildi. Qırımda insan aq-uquqlarınıñ boluzuvı aqqında devriy malümat paylaşuvında, Közetüv taqımı vekilleriniñ işğalci akimiyetten zarar körgen adamlarnen qıta Ukrainada körüşüveriniñ temin etilüvinde Közetüv taqımı ile işbirlikniñ ameliy yolları belgilendi. Taraflar, Qırım sakinleri içün pasportlarınen bağlı meselelerniñ çezilüvi, kiriş-çıqış nezaret noqtalarınıñ (KÇNN) donatıluvı ve qıta Ukrainada Qırım sakinleri içün qanunğa riayet etken yolcu naqliyatınıñ teşkil etilüvinen bağlı Temsilcilikniñ birinci nevbetteki adımlarını muzakere ettiler.