Konferentsiya çerçivesinde Anton Korınevıç ”Silâlı davanıñ aqibetlerini aşuv ve keçici devirde adalet meselesi” mevzusında panel muzakere etüvde çıqışta bulunıp, konferentsiya iştirakçilerini Uquqiy islâat meseleleri boyunca Komissiya çerçivesindeki vaqtınca işğal etilgen topraqlarnı ğayrudan integratsiya etüv boyunca İş gruppası işlep çıqarğan neticelernen ve silâlı dava ile vaqtınca işğal etilüv şaraitlerinde devletimiz ögünde turğan esas çağıruvlarnen tanıştırdı.
Ukraina Prezidentiniñ Qırım MC-deki Temsilciligi, kelecekte işğalden azat etüv ve ğayrıdan integratsiya etüv faaliyetine hızmet etip, cemiyet içün müim mevzularnıñ muzakere etilmesi içün mütenasip meydançıq yaratqan EU Project “Pravo-Justice” teşkilâtına öz minnetdarlığını bildire.