Daimiy Temsilci elçini Qırım platformasınıñ ğayesi ve teşkil etilüv planları, şu cümleden teşkil etici sammitni keçirüv ve daimiy şekilde faaliyetini devam etüv aqqında haberdar etti.

Bundan ğayrı, Anton Korınevıç Rusiye Federatsiyası Ukraina devlet sıñırında ve vaqtınca işğal etilgen Qırım yarımadasında silâlı quvetlerini toplağanı sebebinden vaqtınca işğal etilgen Qırımda havfsızlıq saasında vaziyet beterleşkeni aqqında haber etti.

Temsilcilk Qırım Muhtar Cumhuriyeti ve Aqyar şeeriniñ işğal etilüvini daimiy ve deñişmegen tarzda tanımağan, Ukrainanıñ egemenligine ve topraq bütünligine qol tutqan İtaliya cumhuriyetine öz minnetdarlığını bildire.