Ukraina Prezidentiniñ Qırım MC-deki Temsilciligi raatlıq künlerinde de çalışmağa devam ete. Odesa ile Hersonğa iş ziyareti çerçivesinde körüşüvler ve aqıl tanışuvlar keçirile.

Bügün Ukraina Prezidentiniñ Qırım Muhtar Cumhuriyetindeki Daimiy Temsilcisi Anton Korınevıç ”Odesa deñiz akademiyası” Milliy universiteti tehnikiy flot deñiz mektebinde askeriy talim bölüginiñ başlığı 1 derece kapitanı Gennadiy Şpakovskıy ile körüşti. Körüşüvde halqara uquq saasında Ukrainanıñ eñ güzel adliyecilerden biri, Milliy aviatsion universitetinde halqara uquq ve teñeştirici uquqşınaslıq kafedrasınıñ müdiri Tımur Korotkıy iştirak etti.

”Qırımnıñ işğalden azat etilmesini ve Ukrainanıñ topraq bütünliginiñ ğayrıdan tiklenmesini öz saasında yaqınlaştırğan, bunıñ içün mütehassıslar azırlağan aliy oquv yurtlarınen, alimler cemiyetinen bağ tutmamız bizim içün pek müimdir. Rusiye Federatsiyası yapqan cenk cinayetleri içün mesüliyetke çekilecektir. Ukraina – deñiz memleketi olğanını ve Ukraina flotu ille Qırım limanlarına qaytacağını hatırlamalımız ve buña daima azır olmalımız”, – dep izaatladı Anton Korınevıç.

Gennadiy Şpakovskıy 2014 senesi antına sadıq qalıp, Aqyar şeerini terk etken ve Ukraina içün hızmet etmege devam etken arbiylerden biridir.