Körüşüv Rostov-na-Donu şeerinde 8 qırımtatar siyasiy mabuslarğa (Suleyman Asanov, Memet Belâlov, Timur İbragimov, Seyran Saliyev, Server Mustafayev, Server Zekeryayev, Edem Smayilov ve Ernes Ametov) üküm çıqarılğan künü olıp keçti. Ukraina akimiyetiniñ ve halqara ortaqlarımıznıñ areketlerini bütün siyasiy mabuslarnı azat etüv, insanlarnı grajdan mevamları içün taqip etüvni toqtatuv ve Qırımnı işğalden azat etüv içün küreş Temsilcilikniñ temel vazifeleri arasındadır.
2014 senesi saban (mart) ayında BM Baş assambleyasınıñ Rezölütsiyasında qayd etilgen tanımama siyasetine riayet etüv meselesi, sanktsiyalar siyaseti, insan aqlarınıñ bozuluvı meselesi, işğalci ”organlar” tarafından areket serbestliginiñ sıñırlanması, mülkiyet aqlarınıñ bozulması, Ukrain kilisesine qarşı basqı ve vaqtınca işğal etilgen Qırım topraqlarında tamır qırımtatar halqınıñ aq-uquqlarını bozuv meseleleri muzakere etildi.
Ukraina Prezidentiniñ Qırım Muhtar Cumhuriyetindeki Temsilciligi Rusiye Federatsiyası tarafından Qırım Muhtar Cumhuriyetini ve Aqyar şeerini ilhaq etüv teşebbüsini tanımağan ve vaqtınca işğal etilgen topraqlarda Ukrainanıñ topraq bütünligini ve egemenligini ğayrıdan tiklev oğrunda ğayretlerini birleştirgen ortaqlarına öz minnetdarlığını bildire.