Körüşüv vaqtınca işğal etilgen Qırımda diniy serbestlikni qorçalav oğrunda Ukraina akimiyet organlarınıñ umumiy areketlerini muzakere etüv, tamır qırımtatar halqınıñ aq-uquqlarını qorçalav ve etnik çeşitligini saqav kibi meselelerge bağışlanğan edi.
”RF işğalci akimiyeti Qırımda Ukraina ortodoks kilisesini muntazam şekilde yoq etmege devam ete. 2014 senesi Aqyarda ve Anğara (Perevalne) qasabasında kilise binaları zapt etildi, yarımadada faaliyet köstergen başqa diniy müessiseler yoq etildi, işğal etilgen Qırımda ukrain diniy-medeniy cemiyet yoq etilmege devam ete”, – dep izaatladı Qırım yarımadasındaki vaziyetni Ukraina Prezidentiniñ Qırım MC-deki Daimiy Temsilcisiniñ Birinci muavini Darya Svırıdova.
Körüşüv esnasında Temsilcilik ve Etnosiyaset devlet hızmeti Qırımnıñ medeniy, milliy ve diniy asabalığını yoq etken tecavüzci Rusiye siyasetine qarşılıq kösterüv saasında umumiy areketler aqqında añlaştılar.