Bugün, ekim ayınıñ 7-de, Qırım platforması Ofisinde, Ukraina Prezidentiniñ Qırım Muhtar Cumhuriyetindeki Temsilciligi binasında Qırım platforması Ofisiniñ faaliyetini halqara ortaqlarımızğa taqdim etüv tedbirleri çerçivesinde Anton Korınevıç ve onıñ muavinleri Tamila Taşeva ve Darya Svırıdova Litvaniya Cumhuriyetiniñ Ukrainada Fevqulâde ve Vekâletli Elçisi Valdemars Sarapinas, Letoniya Cumhuriyetiniñ Ukrainada Fevqulâde ve Vekâletli Elçisi İlgvars Klâva, Finlândiyanıñ Ukrainada Fevqulâde ve Vekâletli Elçisi Pâyvi Maarit Layne, Çehiya Cumhuriyetiniñ Ukrainada Fevqulâde ve Vekâletli Elçisi Radek Matula, Estoniya Cumhuriyetiniñ Ukrainada Fevqulâde ve Vekâletli Elçisi Kaimo Kuusk, Macaristannıñ Ukrainada Fevqulâde ve Vekâletli Elçisi İştvan İydârto, olarnen beraber kelgen eyyetler, Ukrainada Lehistan Elçihanesiniñ ve Ukrainada Felemenk Qırallığı Elçihanesiniñ temsilcileri ile iş körüşüvini keçirdiler.

Bundan ğayrı, Anton Korınevıç itibarlı musafirlerge Qırım platformasınıñ ilk nevbetteki vazifelerini ve olarnıñ arasında Ukraina milliy hatıra institutı ile beraberlikte teşkil etilgen Rusiye istilâsı virtual müzeyini, vaqtınca işğal etilgen topraqlarda yaşağan balalar içün onlayn-platformanı taqdim etti.
Fursattan faydalanıp, ürmetli musafirler samimiy qabul etilgenleri içün minnetdarlıqlarını bildirdiler ve Qırım platforması sammitinden soñ alınıp barlığan faaliyetke, şu cümleden, Kıyiv şeerinde «Qırım habı» vazifesini becerip, avuştırılğan çeşit türlü Qırım akimiyet organlarınıñ, Ekspertler ağı azalarınıñ ğayretlerini birleştirüv, beraberlikte vatandaşlarnı qabul etüv, yerli ve halqara ekspertlerniñ iştiragi ile Qırımnı işğalden azat etüv ve ğayrıdan integratsiya etüvge bağışlanğan tedbirlerni keçirüv içün hızmet etken Qırım platforması Ofisine yüksek qıymet kestiler.

Bundan ğayrı, taraflar vaqtınca işğal etilgen Qırımda ve Rusiye Federatsıyasında qanunsız alda yaqalanıp maküm etilgen Ukraina vatandaşlarını, şu cümleden keçenlerde yaqalanğan Nariman Celâlov, Aziz ve Asan Ahtemovlarnı qorçalav meselesini muzakere ettiler.
Qırım Platforması Ofisine, Qırım Muhtar Cumhuriyeti ile Aqyar şeerini işğalden azat etüv, Qırımnıñ vaqtınca işğal etilmesi neticesinde zarar körgen Ukraina vatandaşlarınıñ aq-uquqlarını ve serbestliklerini qorçalav meselelerine diqqat ayırğan ve Ukrainanıñ topraq bütünligine ve egemenligine deñişmegen alda qol tutqan itibarlı musafirlerimizge minnetdarlığımıznı bildiremiz.

Halqara oraqlarımıznı Qırım platforması Ofisiniñ faaliyeti ile tanıştırıp, Rusiye Federatsıyasını Ukraina vatandaşlarınıñ aq-uquqlarına ve serbestliklerine riayet ettirmek, vaqtınca işğal etilgen topraqlarnı azat etmek içün işğalci devletke siyasiy-diplomatik basqını arttırmaq kerek olğanını añlatmağa devam etemiz.
Körüşüvniñ soñunda Anton Korınevıç musafirlerni Qırım platforması Ofisiniñ topraqlarında yerleştirilgen sanat obyektlerinen, hususan Qırımğa bağışlanğan ”Şeer sesleri” leyhasınen de tanış etti.

Lietuvos ambasada Ukrainoje / Ukrainada Litvaniya Elçihanesi

Ukraina Prezidenti Ofisi, Ukraina çetel işler Nazirligi

Embassy of Latvia in Ukraine/ Ukrainada Letoniya Elçihanesi Suomen suurlähetystö Kiova – Embassy of Finland in Kyiv Ukrainada Çehiya Cumhuriyeti Elçihanesi / Czech Embassy in Ukraine Slovenské veľvyslanectvo na Ukrajine / Ukrainada Slovakiya Elçihanesi Estonian Embassy in Kyiv

Macaristan Elçihanesi, Kıyiv / Magyarország Nagykövetsége, KijevKıyivde Lehistan Cumhuriyeti Elçihanesi / Ambasada RP w Kijowie Embassy of the Kingdom of the Netherlands in Ukraine