”«Qırımtatarlar» brendi – yaratıcılıq, serbestlik ve boysunmamazlıq manasına kele. Qırımtatar halqı devlet qurğan halqlardan (milletlerden) biridir. Serbest nefes almağa bilgen siyasiy millet olğanımıznen ğururlanam, ve kimdir bu serbestlikke toqunacaq olsa, qırımtatar buña lâyıq qarşılıq köstere. Men qolumda menim içün pek müim olğan şeyni tutam – bu, üstünde menim adım yazılğan bir qalem, onı maña dostum, siasiy mabus Server Mustafayevniñ abulqatı Liliya Gemeci teslim etti. Server bu qalemni apishanede yasadı. Mende bundan daa qıymetli şey yoq edi. Böyle adiseler, menden daa beter şaraitlerde bulunğan adamlarnıñ areketleri, olar küreşke ilhamlandıra”, – dep ikâye etti Tamila Taşeva.

”Шлях/Yol” – mürekkep ve keçmişke dayanğan qavrayış, ğayesi ceetinden birleştirici ”yol” mevzusı, zemaneviy şekiller ve tehnologik çezüvler vastasınen qırımtatar halqınıñ medeniyetini, asırlıq tarihını, devletçiligini, tasil, din, merasim, turmuş, til, halq yaratıcılığı ve sanat adetlerini taqdim etken, qıtaiy Ukrainanıñ vaqtınca işğal etigen Qırım yarımadası ile üzülmez tarihiy-medeniy bağlarını aks ettirgen büyük ve çoq saalı leyhadır.

Leyha ”El Çeber” cemaat teşkilâtı tarafından Ukraina medeniyet fondu, Ukraina institutı ve Qırım evi teşkilâtlarınıñ qol tutuvı, Ukraina milliy hatıra institutı, İvan Gonçar müzeyi, ”Qırım ailesi” cemaat birleşmesi, ”Eleos-Ukraina” cemaat birleşmesi, ”Svitarta” cemaat birleşmesi, ”Qırım etnologik ve siyasiy tedqiqatlar merkezi” cemaat birleşmesi ve başqa ortaq teşkilâtlar ile beraberlikte amelge keçirilmektedir.

İntervyunı baqıp çıqmağa ve videonen paylaşıp, «Шлях/Yol» leyhasınıñ taqımına qol tutmağa çağıramız: https://cutt.ly/OECJJ8E

İntervyunıñ tolu şekli: https://youtu.be/DS6b6zJi8fU