”Vaqtınca işğal etilgen Qırım Muhtar Cumhuriyeti topraqlarında bulunğan ”Massandra” devlet kontsernini sözde milliyleştirüv ve bunıñ artından şahsiyleştirüv areketlerinen Rusiye Federatsiyası işğalci devletke vaqtınca işğal etilgen topraqlardaki mal-mülkniñ musadere etilmesini yasaq etken halqara uquq şartlarını bir kere daa bozdı. Qırım yarımadasında işğalci memuriyetler tarafından Ukrainağa ait bir-de-bir mal-mülkini musadere etüv Ukraina tarafından qabul etilmey ve cinayet olaraq tanıla.
Qırım Muhtar Cumhuriyeti ve Aqyar şeeri Prokuraturası ”Massandra” devlet kontsernini sözde milliyleştirüv ve bunıñ artından şahsiyleştirüv boyunca al-azırda cinaiy davanı açtı. ”Massandra” Milliy istisal-agrar birleşmesiniñ mal-mülkini musadere etüvge alâqası olğan er bir şahıs cinaiy mesüliyetke çekilecektir.

Bundan ğayrı, Temsilcilik Vaqtınca işğal etilgen topraqlarnı ğayrıdan integratsiya etüv meseleleri boyunca Ukraina nazirligi ve başqa akimiyet organları ile beraberlikte çalışıp, cinayet işlegen şahıslarğa qarşı sanktsiyalarnıñ qabul etilmesi içün kerekli çareler körecektir”, – dep izaatladı ”Massandra” Milliy istisal-agrar birleşmesi” Devlet kontserniñ işğalci akimiyet tarafından satılmasını Ukraina Prezidentiniñ Qırım MC-deki Daimiy Temsilcisi Anton Korınevıç