Altı yıl evel yüzlernen ukrain arbiy ve göñülliler bir afta devamında Ukrainanıñ mustaqilligi, topraq bütünligi ve egemenligi içün şiddetli uruş alıp bardılar. 2014 senesi arman ayı 30 künü ukrain arbiylerden ibaret olğan kollonanıñ qurşunğa tizilmesi şekilinde yüz bergen İlovaysk faciası cenkniñ müim noqtalarından biri oldı. İlovaysk faciası, Ukrainanı öz quçaqlarından boşatmağa istemegen Rusiye Federatsiyası halqara uquqnıñ, Jeneva konventsiyasınıñ bütün şartlarını bozmağa azır olğanını bütün dünyağa numayış etti.
Ukraina Baş prokuraturası ilân etken resmiy malümatlarğa köre, 2014 senesi İlovaysk cıvarında ukrain arbiylerniñ qurşunğa tizilmesi neticesinde 366 kişi elâk oldı ve 429 kişi yaralandı.
Ukraina Prezidentiniñ Qırım Muhtar Cumhuriyetindeki Temsilciligi İlovaysk şeeri içün uruşta elâk olğan askerlerniñ yaqınlarına teren taziye bildirip, 2014 senesinden başlap bügüngece Ukraina mustaqilligi içün canlarını feda etken ve yaralanğan er bir qaramannı aña. Fedakârlığıñız ve isseñiz olmasa edi, bütün memleketni ğayıp eter edik.
Arbiylerimiz ile beraber Ukrainanıñ topraq bütünligini ğayrıdan tiklemek niyetinen taqımımız da çalışmağa devam ete.
Ukraina Prezidentiniñ Qırım MC Temsilciligi Rusiye Federatsiyasına dair sanktsiyalar siyasetini devam etken Ukraina orgaqlarına öz minnetdarlığını bildire. Umumiy areketlerimiznen kerçekni aydınlatıp, adaletni ğayrıdan tikley bilirmiz ve arbiy cinayetçilerni cezalarmız. Avropada devamlı barışıqnı kefil etmekniñ yekâne yolu budır.
Resim:UNİAN