Ekim ayınıñ 29-de Rostov-na-Donu şeerindeki Cenübiy okrugı arbiy mahkemesi ”Hizbut-Tahrir davası” çerçivesinde dört Ukraina vatandaşını azatlıqtan marum etti: Seytumer Seytumerov qattı tertipli koloniyada 17 yılğa, Osman Seytumerov – 14 yılğa, Rustem Seytmemetov – 13 yılğa, Amet Suleymanov – 12 yılğa maküm etildi.
Olarnıñ episi RF Ceza Kodeksiniñ 205.5 maddesi (terroristik teşkilâtını meydanğa ketirüv ve onıñ faaliyetinde iştirak etüv) boyunca qabaatlandı. Ukraina vatandaşlarını maküm etken Rusiye Federatsıyası insan aqları saasındaki halqara uquqnıñ ve halqara gumanitar uquqnıñ şartlarını bir kere daa bozdı.
Temsilcilik RF areketlerini taqbih ete ve Ukraina vatandaşlarınıñ esassız taqip etilüvini, olarnıñ azatlıqtan marum etilüvini, işğal etilgen topraqlarda siyasiy sebeplerge esaslanğan başqa taqip etüvlerni deral toqtatmağa talap ete.
Bütün bu adiseler taqiq etilecek, qabaatlılar ise mesüliyetke çekilecektir!
Vaqtınca işğal etilgen Ukraina topraqlarını ğayrıdan integratsiya etüv meseleleri boyunca Nazirlik İnsan aqları boyunca Ukraina-Helsinki birligi Qırım_SOS Kremlniñ siyasiy mabuslarınıñ aqrabaları birligi ZMİNA. İnsan aqları merkezi Ukrainian Legal Advisory Group Adliy yüzlük Qırım aq qorçalayıcı gruppası / Crimean Human Rights Group Qırım Muhtar Cumhuriyeti ve Aqyar şeeri Prokuraturası