Ukraina Prezidenti Volodımır Zelenskıy hayırlav çıqışında qayd etkeni kibi, ”Biz pek çoq yañı şeyler yapamız ki, Ukrainanıñ büyük memleket olğanı soñki sefer olmasın.
Qırım ile Donbass işğalden serbest olğan zamanları da soñki sefer olmasın.
Küçlü memleket meseleleriniñ çezilmesini başqalardan beklemey.
46 ecnebiy devletni toplap, Qırım platformasını keçire.
Biz andaki insanlarımız içün küreşemiz. Çünki topraqlarnı vaqtınca işğal etmek mümkün de, adamlarnıñ Ukrainağa sevgilerini işğal etmek imkânsizdir
Olarğa çaresizlikten pasportlar aldırmağa mümkün, amma ukrain yüreklerini pasportlaştırmaq mümkün degil.
Donbas ve Qırımdaki insanlar bu aqta aytmağa qorqqanları, olar bu aqta tüşünmege de qorqalar manasına kelmey.
Ve olar qaytırlar. Çünki biz, bir ailemiz. Bizni tek cömertliknen donatılğan bir sofra ayıra bile. Ve bu sofra başında oturğan arada biz mıtlaqa küçlü memleket olğanımıznı alğışlarmız”.

Temsilcilik, Prezident vertikaliniñ bir qısmı olaraq, Prezident tasvir etken kelecekni eñ yaqın vaqıtta meydanğa ketirmek içün qolundan kelgenini yapmaqtadır. Ve o, ille kelecektir, duşmanlarımız ne yapsa yapsın, ğayretlerini sarf etsin, serbest insanlarnı işğal etmek mümkün, amma olarnı işğalciler istegeni kibi yaşatmaq mümkün degildir. İşğal – vaqtınca, serbest insan – ömürlik!

Bayramıñ hayırlı olsun, Ukrainağa ait Qırım!