Anayasa – yalıñız esas qanun degil de, ukrain devletçiliginiñ timsallerinden biridir.

Ukraina Prezidenti Volodımır Zelenskıy bügünki çıqışında qayd etkeni kibi, ”Anayasağa eñ yüksek şekilde Anayasanıñ özü qıymet kesmektedir. Onıñ birinci maqalesi ”Ukraina” sözü ile başlana. Buña iç bir türlü izaat kerekmey. Ekinci maqalesi ”egemenlik” sözü ile başlana. Üçüncisi ise ”insan” sözü ile başlana. Bu sözler teren manalar taşıy”.

Temsilcilikniñ faaliyeti de bu ilkelerge esaslana. Vaqtınca işğal etilgen Qırım Muhtar Cumhuriyeti ve Aqyar şeeri topraqları egemen Ukraina topraqlarıdır, bu topraqlarda yaşağan insanlar ise Ukraina vatandaşlarıdır.

Bu ilkeler Vaqtınca işğal etilgen Qırım Muhtar Cumhuriyeti ve Aqyar şeeri topraqlarını işğalden azat etüv ve ğayrıdan integratsiya etüv strategiyasında aks etilgendir, bu ilkelerge biz faaliyetimizde esaslanamız, olar ebediyen bar olıp qalacaqlar!

Ayrıca Ukraina Anayasa Kününde vaqtınca işğal etilgen Qırımda yaşağan vatandaşlarımızğa muracaat etemiz:”Ukraina akimiyeti barışıqlıq yolunen Qırımnı azat etmek oğrunda qolundan kelgenini yapmaqtadır. Bunıñ yolu uzun olacağını añlaymız, onıñ içün szilerni Rusiye Federatsiyasınıñ işğalci olğanını, Qırım üzerindeki üç renkli bayraq yarımadanıñ Rusiye idaresi altında vaqtınca bulunğanını temsil etkenini, künleriniñ birinde ise biz beraberlikte işğalciniñ temsillerini mıtlaqa çıqarıp taşlaycağımıznı aqlıñızda tutmağa çağıramız.

Ukraina Anayasa Künü hayırlı olsun!

Fotoresim Andriy Osadçuk