RF-nıñ Qırımdaki işğalci akimiyeti (Moskova şeerindeki) paytahtlar ve balaban şeerler Halqara Assambleyası ile bağlanğanı ve işbirlikte bulunğanı aqqında haber alğan Temsilcilik işbu teşkilâtnıñ azaları olğan Dnipro, Zaporijjâ, Mıkolayıv, Poltava, Harkiv ve Herson kibi ukrain şeerleriniñ başlıqlarına işbu teşkilâtta azalıqlarını toqtatmaq teklifinen muracaat etti.
Şunı qayd etmek kerekmiz, Assambleyanıñ terkibinde sözde ”Qırım Cumhuriyetindeki” temsilcisi vazifesi bar, mevcut azaları cedveline ise ”rus” Simferopol ve Sevastopol şeerleri kirsetilgen.
Bundan ğayrı, Assambleyanıñ reberiyeti yarımadadaki işğalci Rusiye akimiyetini sözde ”Qırım yarımadasınıñ Rusiye Federatsiyasına qoşuluvınıñ” yıldönümi ile hayırladı.
“CRIME(A)”.halqara cemaat teşebbüsi tarafından yapılğan fotoresim