İşğalci devlet Rusiye Federatsiyası söz serbestligini boğmağa ve haberlerniñ serbest darqatıluvına yol bermemege tırışsa da, açıq menbalarnı, içtimaiy ağlarındaki maqalelerni nezaret etüv, Qırım sakinleri ile qonuşmalar ve Temsilcilikke yapılğan muracaatlarnı talil etüv neticesinde pandemiya ile bağlı olğan eñ ciddiy meseleler belgilendi:

📌  COVİD-19 hastalarınıñ tedaviylenmesi içün hastahanelerde yataqlar yetişmey ve atta ağır hastalar hastahanelerge qabul etilmey;
📌  COVİD-19 hastaları hastahanelerden şifahanelerge avuştırılıp, tıbbiy nezaretten marum etileler;
📌  insanlar öz isteginen sağlıq vaziyetlerini teşkerip olamay ve test yaptıramay;
📌  acele tıbbiy yardımğa irişim yoq (acele yardım arabası çağıruvğa 15 saat içinde kele);
📌  ilâçhanelerde COVİD-19 tedavisi içün temel ilâçlar yoq, bu sebepten adamlar evde tedaviylenip olamay;
📌  şğalci memuriyetler hastalarnıñ kerçek miqdarını gizley, testler az yapılğanı içün, statistik malümatlar sunniy şekilde deñiştirile;
📌  COVİD-19 aqqında kerçek malümat yoq, eali işbu hastalıqnen bağlı telükeler aqqında haberdar etilmey;
📌  cemaat yerlerinde ve adamlar kütleviy şekilde toplanğan yerlerde şahsiy qorçalav vastalarınıñ qullanması kerekli derecede teşkerilmey.

Bu munasebet ile Ukraina Prezidentiniñ Qırım MC-deki Temsilcilgi RF işğalci akimiyetiniñ areketlerini takbih ete ve vaqtınca işğal etilgen Qırım yarımadasında COVID-19 tacmaraz hastalığınıñ darqaluvı neticesinde yüz bergen gumanitar buhranınen bağlı çağıruvlarğa qıymet kesmege kerek oğanını qayd ete. Vaqtınca işğal etilgen Qırım Muhtar Cumhuriyetinde ve Aqyar şeerinde yaşağan Ukraina vatandaşları içün aileviy ekimlernen onlayn şekilde aqıl tanışmaq imkâniyetini yaratuv, kerekli ilâçları olğan ilâçhane noqtalarını KÇÇN yaqınlaştıruv, işğalci devlet Rusiye Federatsiyası grajdan ealini qorçalav boyunca mesüliyetlerini yerine ketirmegenine halqara ortaqlarımıznıñ diqqatını celp etüv ve Ukraina uquq qorçalav organları tarafından işğalci devletniñ vekilleri yapqan cinayetlerni resmiyleştirüv, buhranğa cevap olaraq yapıla bilecek areketlerimizdir.