2018 senesi arman ayı (august) 20 künü Ukraina Prezidentiniñ Qırım MC Daimiy Temsilcisi Borıs Babin ve onıñ Birinci muavini İzet Gdanov UNİAN binasında keçirilgen matbuat konferentsiyasında iştirak ettiler. Tedbir devamında Ukraina Prezidentiniñ Qırım MC Temsilciliginiñ bir yıllıq faaliyetiniñ neticelerine yekün çekildi ve Ukrainanıñ vaqtınca işğal etilgen Qırım toprağından istilânıñ devam etmesine qarşılıq kösterüv, Qırımda Ukraina devletiniñ, uquqiy şahıslarınıñ ve vatandaşlarınıñ aq-uquqlarını qorçalav boyunca 2018-2019 seneleri içün acele tedbirler Planı boyunca idareniñ kelecekteki faaliyeti taqdim etildi. Temsilclikniñ reberiyeti acele sürette çezilüvini talap etken esas problemli meselerge diqqat celp etti. Bunınen beraber, Temsilcilikniñ diger akimiyet organları ile semereli şekilde çalışqanı da qayd etildi.

https://www.ukrinform.ua/rubric-presshall/2510862-zvitue-predstavnictvo-prezidenta-ukraini-v-avtonomnij-respublici-krim.html