Bundan evel Ukraina Prezidentiniñ Qırım Muhtar Cumhuriyetindeki Temsilciligi Ukraina Nazirler Şurasına abituriyentler ve studentler içün KÇNN keçüvni qolaylaştırmaq teklifinen muracaat etken edi.
Qabul etilgen deñişmelerge binaen, vaqtunca işğal etilgen Qırım Muhtar Cumhuriyetinde ya da Aqyar şeerinde yaşap, Ukraina devlet akimiyeti organları öz vekâletlerini tolu şekilde yerine ketirgen topraqlarda bulunğan aliy oquv yurtlarına kirmege niyetlengenler, qabul etilgenler, ya da böyle oquv yurtlarında al-azırda oquğanlar özleri, ya da qanuniy temsilcileri refaqatında özüni etraf müitten ayırmayıp vaqtınca işğal etilgen Qırım Muhtar Cumhuriyetini ya da Aqyar şeerini terk/ziyaret ete bileler.
Ukraina Nazirler Şurasınıñ 979-р sanlı qararına teklif etilgen deñişmelerge qol tutqan Ükümet azalarına minnetdarşığımıznı bildiremiz, çünki sıñırlamalar başlanğandan berli ve 2020 senesi kiriş kampaniyası devamında abituriyetler içün vaqtınca işğal etilgen Qırım Muhtar Cumhuriyetini ya da Aqyar şeerini terk/ziyaret etüv meselesi eñ sıq soralğan suallerden biri edi.
Temsilcilik vaziyetni nezaret etmege ve vaqtınca işğal etilgen topraqlarda yaşağan Ukraina vatandaşlarını qorçalav meselesi üzerinde çalışmağa devam ete.