İş aftası bir sıra körüşüvlernen yekünlendi. Ukraina Prezidentiniñ Qırım Muhtar Cumhuriyetindeki Temsilcilik taqımı Estoniya Cumhuriyetiniñ Elçihanesini ziyaret etti ve Estoniya Cumhuriyetiniñ Fevqulâde ve Tolu Vekâletli Elçisi Kaimo Kuusk ile körüşti.

Körüşüv esnasında insan aqlarınıñ bozuluvı meselesinen bir arada Qırımnı ve Qaradeñiz regionını silâlaştiruv, yarımadağa Rusiyeden avuştırılğan adamlar esabına yerli ealini almaştıruv, bala aqlarını bozuv, Rusiye Federatsiyası tarafından teşkil etilgen arbiy teşkilâtlarğa balalarnı celp etüv, Rusiye ordusına qanunsız şekilde gençlerni çağıruv, tabiatqa ketirilgen zarar, Ukraina Ortodoks Kilisesine basqı, tamır qırımtatar halqınıñ aq-uquqlarını bozuv kibi meseleler muzakere etildi. Körüşüvlerniñ müim meselelerinden biri, sanktsiyalar tertibi meselesi, Ukraina ortaqları tarafından sanktsiyalar cedvelini daqatuv ve 2014 senesi saban (mart) ayında qabul etilgen BM Baş Assambleyasınıñ qararında qayd etilgen tanımamazlıq siyasetini devam etüvdir. Ayrıca işğalci organlar tarafından areket sıñırlanması ile bağlı olğan yañı çağıruvlar da ayrıca muzakere etildi.

Estoniya Cumhuriyeti Ukrainanıñ Rusiye tecavüzine qarşı küreşinde memleketimizniñ daimiy ortağı, çünki topraqlarını işğalden azat etüvge ve işbu topraqlar içün küreşke dair öz tecribesine saiptir. Ukraina Prezidentiniñ Qırım Muhtar Cumhuriyetindeki Daimiy Temsilcisi Anton Korınevıç Estoniya Cumhuriyetiniñ Fevqulâde ve Tolu Vekâletli Elçisi Kaimo Kuuskka Qırım mevzusınen meraqlanğanı içün öz minnetdarlığını bildirdi.