2017 senesi sentyabr 21 künü Ukraina Prezidentiniñ Qırım Muhtar Cumhuriyetindeki Daimiy Temsilcisi Boris Babin, Ukraina Tışqı işler nazirligi (TİN) Rusiye Federatsiyası tarafından telükelerge qarşılıq kösterüvi boyunca Departament müdiri Andrey Plahotnyuk ve Ukraina TİN halqara teşkilâtlarınıñ Departamenti müdiri vazifesini vaqtınca becergen Andriy Pravednik ile beraberlikte Ukraina TİN Cemaat şurasınıñ Qırımnıñ işgalden azat etilüvi ve ğayrıdan integratsiyasınıñ halqlara mehanizmleri boyunca toplaşuvda iştirak etti.

Semereli dialog neticesinde, Ukraina Tışqı işler nazirligi, Temsilcilik ve cemaat teşkilâtları bu saada işbirlikleriniñ qaviyleştirilüvi boyunca bir fikirge keldiler. Halqara teşkilâtlarınıñ Qırım boyunca faaliyetlerinde  cemaat strukturalarınıñ iştiraklerine, halqara mahkeme işleri ve vaqtınca işğal etilgen Qırım yarımadasınen bağlı halqara nezaret taqımları boyunca işbirlikke  ayrı diqqat berildi.