2018 senesi qural ay (mayıs) 25 künü Ukraina Prezidentiniñ Qırım MC Daimiy Temsilcisi Borıs Babin ve Temsilcilikniñ hadimleri iş muşaveresi şekilinde Ukraina Tışqı işler Nazirliginde Halqara teşkilâtlar departamentiniñ müdiri vazifesini vaqtınca becergen Andriy Pravednik ve Departamentniñ mesüliyetli hadimleri ile körüştiler. Körüşüv esnasında Ukrainanıñ vaqtınca işğal etilgen topraqlarından rusiye istilasına qarşılıq kösterüv, Ukraina devletiniñ, vatandaşlarınıñ ve uquqiy şahıslarınıñ mütenasip menfaatlarını qorçalav oğrunda Ukraina Prezidenti tarafından Temsilcilik ögünde qoyulğan vazifelerni becermek maqsadınen Ukrainada çalışqan halqara teşkilâtlarnen kelecekte işbirlik meseleleri muzakere etildi. Körüşüvniñ neticesi olaraq, taraflar işbirlikniñ muayyen adımları aqqında añlaştılar.