Ekim ayınıñ 25-de Aqmescit şeerinde Rusiye quvetçileri RF idaresi altında bulunğan işğalci ”Qırım garnizon arbiy mahkemesiniñ” binası yanında qırımtatar faalerini ve olarnı qorçalağan abulqatlarnı qanunsız şekilde yaqaladılar.
Faaller, ”Hizb ut-Tahrir davasınıñ” iştirakçilerine çıqarılğan ükümge qarşı berilgen şikâyetniñ baqılmasında video bağ vastasınen iştirak etecek abulqatlarnı diñlemek niyetinen toplandı.
Yaqalanğanlar arasında ”Qırım birdemligi’niñ” yöneticisi Dilâver Memetov ve ”Qırım birdemliginiñ” muhbirleri Zidan Acikelâmov, Ruslan Paralamov ve Dlâver İbragimov bar ediler.
Abulqat Edem Semedlâyevğa nisbeten RF memuriy qanunnı bozuvlar kodeksiniñ 19.3 maddesi boyunca protokol tizildi.Bu ise zenaatı olğan abulqatlıq faaliyetine doğrudan-doğru mania oluv ve yaqalanğanlarnı qorçalavdan marum etüvdir.
Temsilcilik Qırımda söz serbestligini sıñırlağan, şu cümleden Ukraina vatandaşlarını yaqalağan ve jurnalistik ve ihtisaslı abulqatlıq faaliyetlerine qarışqan işğalci organlarnıñ qanunsız areketlerini taqbih ete.
Vaqtınca işğal etilgen Ukraina topraqlarını ğayrıdan integratsiya etüv meseleleri boyunca Nazirlik İnsan aqları boyunca Ukraina-Helsinki birligi Qırım_SOS Kremlniñ siyasiy mabuslarınıñ aqrabaları birligi ZMİNA. İnsan aqları birligi Ukrainian Legal Advisory Group Adliy yüzlük Qırım aq qorçalayıcı gruppası Qırım Muhtar Cumhuriyeti ve Aqyar şeeri Prokuraturası.