2018 senesi qural ay (mayıs) 8 künü Ukraina Prezidentiniñ Qırım MC Temsilciliginiñ hadimleri Kıyiv şeerinde Halqara mudafaa ve havfsızlıq merkeziniñ (ICDS) ‘‘Metanetli Ukraina: cemiyet tarafından Ukrainada milliy metanetke ve havfsızlıqqa qol tutuv’’ mevzusında milliy metanet boyunca seminarında iştirak ettiler. Estoniyanıñ Ukrainadaki Elçihanesinde teşkil etilgen tedbirniñ çerçivesinde 2015-2017 seneleri boyunca kompleks şekilde keçirligen tedqiqatnıñ neticeleri taqdım etildi, maqsadı – Ukrainada milliy metanet ve havfsızlıq seviyesiniñ arttırıluvı içün cemiyet rölü boyunca tesirli tevsiyelerniñ azırlanuvı ve bu saada devlet ve cemaat sektorı arasında işbirlikniñ quvetlendirüvidir. Bundan da ğayrı, leyha Ukraina ve Estoniya arasında havfsızlıq saasında işbirlgikniñ inkişafına ve devletlerimizniñ temsilcileri arasında tecribenen paylaşuvğa bağışlanğandır. Seminar esnasında yuqarıda añılğan tedqiqatlarnıñ neticesi olaraq olarnıñ esas yekünleri ve tevsiyeleri taqdım etildi, gibrid telükeler şaraitlerinde cemaat metanetiniñ arttıruv yolları muzakere etildi. Tedbirniñ neticesinde keçirilgen tedqiqatnıñ neşir etilgen nushaları darqatıldı.