2019 senesi qara qış (yanvar) ayı 5 künü Ukraina Prezidenti Petro Poroşenko İstanbulda Türkiye Prezidenti Recep Tayıp Erdoğan ile körüşti.
Körüşüv esnasında eki devletniñ reisleri strategik ortaqlıqnı quvetleştirüv, halqara seviyede areketlerni uyğunlaştıruv, serbest ticaret zonası aqqında eki taraflama añlaşmanıñ istiqbali kibi meselelerni muzakere etildi.
Devletimizniñ Başlığı Ukrainanıñ egemenligine ve topraq bütünligine Türkiye yapqan qol tutuvğa yüksek qıymet kesti ve Türkiye Cumhuriyeti Qırım ile Azaq deñiziniñ Rusiye tarafından arbiyleştirilüvi boyunca BMT Baş Assambleyası 2018 senesi ilk qış (dekabr) ayında qabul etken Rezölütsiyanıñ müellifdeşi olğanı içün ayrıca minnetdarlığını bildirdi. Rusiye apishanelerine qanunsız alda maküm etilgen ukrain vatandaşlarınıñ azat etilüvi ve rusiye işğali şaraitlerinde Qırımda yaşağan Ukraina vatandaşlarınıñ ve bu cümleden qırımtatarlarnıñ aq-uquqlarını qorçalav boyunca tedbirlerge ayrıca diqqat etildi.
Eki devletniñ prezidentleri ticariy-iqtisadiy ve yatırım işbirligi saasında müsbet deñişüvlerni ve eki taraflama turist aqımlarınıñ artuvını qayd ettiler.